ШЕРДОР МАДРАСАСИНИНГ СИРЛИ ОЛАМИ
JizDPIЎзбек халқи тарихи жуда узоқ ўтмишга бориб тақалади. Ўтмишда халқимиз орасидан илм-фанда, меъморчиликда, мусаввирликда, қўйингки, барча соҳаларда бурилиш ясаган буюк сиймолар етишиб чиққан. Уларнинг илмий изланишларда эришган натижаларига ҳатто ҳозирги фан-техника ривожланган замонда ҳам эришиш мушкул. Ўша даврда қурилган биноларнинг лойиҳаси шунчалик аниқ ва пухта ишланганки, ҳозирги замон меъморчилиги буни тўлиқ ўрганган эмас. Жумладан, Самарқанднинг “Дунёнинг сайқали” деб улуғланишида, ажойиб тарихий биноларимизнинг ўрни катта. Бу биноларнинг қурилишидан тортиб, унинг безакларигача сирли бир маъно мавжуд.
Мустақиллик йилларида юртбошимиз бошчилигида бу биноларни қайта тиклаш, улардаги сирли маъно англатувчи турли хил тимсоллар ва нақшларни ўрганишга катта эътибор берилди.
Буни Президентимиз И.А.Каримов: “Миллий тимсоллар ва рамзларнинг ҳар бири миллий ғуруримизни юксалтиришга хизмат қилади. Уларнинг ҳар бири катта бир дарсликдир”,- деган сўзларидан ҳам англашимиз мумкин.